SEO

ازاي تسوق لمنتجاتك وخدماتك مثل المحترفين

خطوات التسويق المحترفين

 

ازاي تسوق لمنتجاتك وخدماتك أحسن من المحترفين
ازاي تسوق لمنتجاتك وخدماتك أحسن من المحترفين

 

كيف اسوق لمنتجي وخدماتي أحسن من المحترفين

هنتكلم النهاردة عن حاجة اسمها: “استراتيجية النجم الساطع”
ودي مش مناورة حربية ولا ليها أي أساس علمي ولا حد قالها قبل كدة في كتب التسويق وهي من بنات أفكاري وتجاربي في الشغل.
حلوة بنات أفكاري دي 
في بوست قبل كده كنا اتكلمنا عن “استراتيجية المحيط الأزرق” وقلنا انها بتساعد الشركات لمحاربة منافسيها الكبار وقادة السوق عن طريق عدم الدخول معهم في منافسة أصلا ولكن خلق أسواق جديدة.
بس ثواني فيه مشكلة كبيرة هنا!!
مش كل الشركات الصغيرة والناشئة بيكون عندهم القدرة والإمكانية انهم يبتكروا منتجات وخدمات جديدة أو يخلقوا لنفسهم أسواق جديدة وهنا ييجي دور “استراتيجية النجم الساطع”.
الفكرة ببساطة وخصوصاً في سوق الخدمات انك متحاولش تطلع من المحيط الأحمر وتروح لوحدك لمحيط أزرق خاص بيك.
وخصوصاً لو كان كل أو غالبية عملائك المحتملين موجودين بالفعل جوه المحيط الأحمر ده, فأنت لو تركت المحيط ده وذهبت لمكان تاني هادي مش هتلاقي فيه عملاء أصلا غير عدد قليل جداً ممكن ميكونش بيحقق أهداف البيزنس الخاص بيك ومش هتحقق النجاح اللي نفسك فيه.
الحل هنا ببساطة أنك تنزل المحيط الأحمر ده وتتقبل المنافسة الشرسة الموجودة فيه بس خلي بالك وأنت بتعمل كده لازم تضع في اعتبارك حاجة مهمة جداً.
لازم تشتغل باستراتيجية النجم الساطع
يعني ايه؟؟
يعني ببساطة تكون شخص بيخطف العين لكل الناس الموجودين في مجال شغلك
يعني لو حضرتك بتبيع منتج أو بتقدم خدمة لازم تكون أحسن وأفضل حد موجود في مجالك.
حتي لو كنت مبتدأ لازم من أول عميل تتعامل معاه تخليه يقول عليك “أنا متعاملتش قبل كده مع حد أحسن من فلان”
طيب ده هيحصل ازاي؟
ببساطة ادي العميل أقصي حاجة عندك وخليه ياخد منك أكتر من اللي كان بيتوقعه.
لو قدرت تحقق المعادلة دي في شغلك أوعدك أنك هتكون بعد فترة بسيطة جداً نجم ساطع في مجالك وكل الناس بتشاور عليك ويتمنوا يشتغلوا معاك.
دلوقت: عايز منك تقولي في التعليقات ايه هي طبيعة شغلك وأنا هرد عليك ازاي تكون نجم ساطع فيه.

 

الكاتب : الاستاذ محمد صلاح

خبير تسويق الكتروني

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى