SEO

ازاي تقدر تستهدف دولة معينه في نتائج البحث

 

ازاي تقدر تستهدف دولة معينه في نتائج البحث

 

 

 

كيف استهدف دولة معينه في نتائج البحث

ازاي تقدر تستهدف دولة معينه في نتائج البحث، مجموعه من الخطوات اللي تساعدك لإستهداف دول معينة لو شغال seo

خطوات استهدف دولة معينه في نتائج البحث

1- من google search consle اختار الدولة الي عاوز تتصدر فيها ودي مش معناها حذف او تجنب باقي الدول ولكن معناها ان دي الدولة المفضله ليك وجوجل مش مجبرة انها تخليك تتصدر في الدولة دي ولكنها مش اكتر من ترشيح من طرفك.

2- مكان الserver: في حالة انك بتنافس في دول غير الشرق الأوسط لأن مفيش data rooms عندنا، الفكره انك تستخدم سيرفر قريب من الدولة المستهدفة، ولو الدولة المستهدفة مش فيها data room زي مصر استخدم cdn وراعي ان الcdn هدفه ان الداتا تروح لل user بشكل parallel او متوازي وهدفه الأصلي مش زيادة السرعه لكنه بيؤدي لزياده السرعه فعليا.

( اذا تساويت انت والمنافس اعتبر العامل ده ملغي لعدم امكانية تنفيذه )

3- الباكلينك: سهله وبسيطه استخدم باكلينكس من الدولة المستهدفة، لو بتستهدف مصر حاول تكسب باكلينكس من مواقع جمهورها في مصر، او يكون الجست بوست اللي بتشتريه من مواقع اغلب زوارها مصر.

4- استخدم google my business: وحدد الدولة المستهدفه وضيف الخدمات اللي بتقدمها فيها بشكل واضح وحدد المناطق المستهدفة.

5- خلي اسم الدولة + المدن الداخليه متكرر بشكل كبير في الmeta description + العناوين + المحتوى + الاقسام.

6- امتداد الدومين الخاص بيك: مش بقصد هنا اسم الدومين ولا اول TLD زي .com .net ولكن مابعدهم زي example .com. eg لو بتستهدف مصر 

او sa  لو بتستهدف السعودية وهكذا ولكن لو تم كده اعرف ان تصدرك في باقي الدول هيكون اصعب من الوضع الطبيعي ولكن لو مضطر تقدر تعمل نسخه تانية من الموقع او لكل دولة نسخه معينه.

7- لهجة الكتابة المستهدفة: المصريين بيشوفو كل الخلايجه بيتكلمو بنفس اللهجة لكن الكويتي لما يسمع القطري بيعرف جنسيته، الخليجي شايف ان لهجه شمال افريقيا واحده لكن التونسي عارف الفرق بين لهجته وبين الجزائري، السوري بيعرف يفرق بين الاردني واللبناني والفلسطيني لكنه شايف السعودي زي الاماراتي.

فالانجليزي نفس القصه برضو ( البريطاني واضح ولكنته ظاهره كأنه مدرس لغه لمجموعه مبتدئة، الامريكي مش بينطق آخر حرف في كل كلمه اصلا )

مش مهم كل اللي فات المهم تعرف ان محركات البحث قادرة تحدد لهجة كل دولة لو مش مصدقني جرب تتكلم بلهجة محلية بإستخدام ال voice search وشوف الفروقات وازاي الكلمات المحلية مفهومه لمحركات البحث.

مش مصدقني برضو استخدم google ads & search campaign

وشوف الفرق بين الtarget keyword وبين ال search terms ( اللي شغال جوجل ادز هيلاقي دي دي واضحه جدا ) 

بعبارة تانيه شوف الناس بتبحث عنك بإيه وانت مستهدف ايه وهتلاقي انها مفردات شعبية او محلية جدا وانت كاتب حاجه عامه 

المهم حاول تستخدم كلمات محليه في المحتوى المكتوب.

8- خلي المراجعين او كتاب المحتوى من الدولة المستهدفة، لو بتستهدف السعودية هات مراجع سعودي وشوف كمية المفردات اللي هيعدلها واللي هتبقى كبيره جدا ( حاليا الكل بيكتب عربي ابيض وليس عربي فصيح )

9- إضافة للي فات حاول تضيف المحتوى المحلي ك comment وترد عليه ب comment تاني بنفس اللهجه ( لو هتفتح المتصفح الخفي علشان تضلل جوجل وتفكر انها مش هتعرف بلاش وانا مراعي روح مستر هاكر اللي عندك لكن بلاش تشتغل gray hat في الحالة دي لأنها بتبقى واضحه جدا )

طبعا لو طبقت كل اللي فات مش شرط تتصدر في الدولة المستهدفة، وده طبيعي ودي عوامل مساعده.

والاختلافات بين الدول توصل الى 5-+ نتايج وبالتالي حاول تخلي الرئيسية والأقسام اقوى بشكل عام ( لو انت نتيجه اربعين مش هتوصل للنتيجه الاولى علشان انت محدد دولى معينه ولكنها تساعدك للوصول للصفحه التانيه مثلا وكل كلمه وليها اعتباراتها )

 

الكاتب : Mohamed Fayed

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى