خدمات اجتماعية مجانا

الحصول علي عدد كبير من المبيعات للكورسات

ازاى تحصل علي عدد كبير من البيعات للكورسات


خبراء كتير جدا وأصحاب مشاريع وخصوصاً في مجال التدريب عندهم مشكلة أساسية في الحصول علي مبيعات جديدة بعدد كبير لكورساتهم ودوراتهم التعليمية بسبب انهم بيعتمدوا علي التواصل المباشر مع كل عميل محتمل عشان يبيعوا له.

المشكلة دي بتسبب أنهم دايما بيكون عدد المشتركين معاهم قليل جدا لأنهم بشر في الأول والآخر ومش هيقدروا يتكلموا مع كل واحد لوحده حتي لو كان عندهم تيم مبيعات فالأمر برضه هيكون محدود بعدد ساعات الشغل الطبيعية ومش هيكون قابل للتطور الا لو عينت تيم مبيعات بيتكون من عدد كبير جدا من البياعين وكمان يكونوا بيفكروا ويتكلموا بنفس طريقتك وده هيحتاج منك مجهود كبير عشان تدرب التيم ده علي طريقتك.

الحل في الموضوع ده هو الـ Automation Marketing أو بالعربي التسويق الاوتوماتيكي واللي بيتم بعدة خطوات مهمة

أهمها انك بتكون دارس وعارف ايه هي مشاكل العملاء المحتملين بتوعك وايه الحلول اللي عندك ليها

ايه هي اعتراضات العملاء دول ومخاوفهم وازاي هترد عليها

ايه هي القيمة اللي انت هتقدمها للعملاء بتوعك تساعدهم في حل مشاكلهم

كل الأسئلة دي بيتم صياغتها في محتوي قوي بأنواعه المختلفة ويتم تغذية السيستم الأوتوماتيكي بيها عشان العميل المحتمل مجرد ما يدخل السيستم بتاعك يكون قادر علي ايجاد اجابة لكل اسئلته ومخاوفه واعتراضاته وبالتالي يكون قادر علي اتخاذ قرار الشراء بدون مايتكلم معاك او مع تيم البيع عندك بشكل مباشر.

سيستم الـ Automation Marketing هو السبب الرئيسي اللي يخليك فعلياً تبيع منتجك أو خدمتك وأنت نايم بدون أي تدخل منك.

سيستم الـ Automation Marketing مش مجرد شات بوت أو شوية ايميلات ولكن هو سيستم متكامل يتم من خلاله دمج غالبية أدوات التسويق والبيع والمحتوي والاعلانات في منظومة متكاملة هدفها تحقيق أكبر عدد ممكن من عمليات البيع بأقل جهد ممكن وبدون تدخل بشري تقريبا الا في الحالات الطارئة فقط.

سيستم الـ Automation Marketing هو المستقبل اللي جاي واللي مش هيبدأ في الاعتماد عليه من دلوقت هيواجه مشكلة كبيرة في البيع وتطوير البيزنس الخاص به.

لو وصلت لغاية هنا وحابب تستفسر عن أي حاجة اكتب في التعليقات وهجاوبك ان شاء الله.



مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى