اخبار جديدة

رأي الجمهور حول البوم تامر حسني الجديد عشأنجي

 

رأي الجمهور في البوم تامر حسني الجديد عشأنجي

رأي الجمهور في البوم تامر حسني الجديد عشأنجي علي مواقع التواصل الاجتماعي


هذه بعض اراء الجمهور المحب للنجم تامر حسني في البوم الجديد  – عشأنجي – التي تم نشره عقب احدي الحفلات الكبري, بالاضافة الى نشر فيلمه الجديد بحبك في دور السينما


البوم عشأنجي لقي قبول كثيرا لدي محبي تامر حسني بشكل كبير جدا, الا ان هناك بعض الاراء  علي البوم ليس تقليل من قيمة وشأن البوم ولكن اراء بناءه من من حبي تامر حسني علي مواقع التواصل الاجتماعي


هو مبدأيا انا مش بحب انتقدك على العام قصاد الناس ، بس تقريبا مدام انتقاد بناء و مش مضر با الصحه يبقى ندوس عادى

بالنسبه لألبوم  عشأنجى يا عشأنجى انت Tamer Hosny 


6 إيجابيات – 4 سلبيات ، نبدأ با الإيجابيات 


الايجابيات 

1 – اسم الالبوم اختيار ذكى بشكل غير طبيعى ذكى لدرجه الا?وره فى الذكاء 

2 – بوستر الالبوم حكايه بجد ، هو بس كنت اتمنى صورتك على البوستر تكون طبيعى و مافهاش اى الوان فوتوشوب

3 – بعد ما اديت فرصه لنفسى اسمع الالبوم كتير جدا و دى نصيحه لأى حد ، اكتشفت فعلا ان الاغانى كلها اجمل من بعض و واضح من اختيارات الكلمات و الالحان انهم فعلا متعوب عليهم و تم اختيارهم بكل حس فنى و عنايه 

4 – من اهم اغانى الالبوم هى اغنيه عشأنجى ، الاغنيه مافهاش غلطه لا فى الكلمات ولا فى الالحان ولا فى التوزيع ولا فى الاخراج 

5 – اخراج الكليب ! يعتبر فيلم قصير و انت بجد كامخرج مش مجرد واحد حرفجى زى مابيقولو او واخدها فهلوه لا انت موهوب بجد فى  لاخراج و بتحب شغلك لدرجه ما تتوصفش و ده بيكون واضح فى كل شغلك عموما و انك فنان شامل فى جميع مجالات الفن ده مش من فراغ 

6 – كونك انك كتبت و لحنت اكتر من اغنيه فى الالبوم و لسه محافظ على الحاله الاستثنائيه اللى بتعملها لنفسك و محافظ على شموليتك ، فابجد فى النقطه دى شابوه ليك ، لانى بجد كنت حزين جدا ان البوم خليك فولازى مافهوش ولا اغنيه من كلماتك و الحانك 


السلبيات 

1 – 9 اغانى فى سنتين لنجم كبير بدرجه عالمى زيك و رقم 1 فى مصر و العالم العربى ، قليل جدا ، و من رأى كنت تضم اغانى فيلم  بحبك للألبوم و ماتفصلهمش عن بعض ، حتى لو من رؤيتك ان اغانى الفيلم مش شبه موسيقى الالبوم 

2 – على الرغم ان الالبوم كله مافهوش اغنيه وحشه ، الا ان من عيوبه فقر انواع الاغانى ، ليه مفيش اغانى دراما اكتر ، ليه مفيش اغانى سلو ، ليه معظمه اغانى رومانسيه سريعه ؟؟ و بقول ليه لانى عارف ان عندك مكتبه كامله من الاغانى و مش عارف ناوى تنزلهم امتى ! 

3 –  اغانى الفيلم احلى من اغانى الالبوم ، و مش معنى كده ان اغانى الالبوم مش حلوه بس فى فرق بين الحلو و الاحلى ، فاكون ان اغانى الفيلم احلى ، انت كده بتأكد فكره انك بتهتم با السينما اكتر من الغناء و الموسيقى ، و ماينفعش كفنان شامل تقصر فى مجال من مجالاتك الفنيه 

4 – لحد دلوقتى مفيش غير كليب واحد للألبوم و ده من عيوب الالبوم ، اتمنى يكون فى كليب درامى للألبوم 


مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى