كلمات اغاني

كلمات اغنية انا مش تمام امين خطاب

كلمات اغنية انا مش تمام امين خطاب
اغنية انا مش تمام امين خطاب

 

كليب اغنية انا مش تمام امين خطاب

 

نفسي أبطل أخد كل حاجه على أعصابى
وأريح دماغى شويه
عشان مفيش غيري اللي بيتعب والله
الصبر من عندك يارب

انا مش بخير انا مش تمام
انا مش كويس مش فايق
مايغركوش الضحكه دانا
جوايا هم و متدايق ..
ماتفكروش انى فى سعاده
وفى راحه وان البال رايق
بكدب عليكو والانبساط
على وشى فعلا مش لايق

دايما حزين انا جمبى مين
مافى حد يمسح دمعتى
كل اللى كانو قريبين
بعدو وسابونى فى وحدتى
زعلان على العمر اللى راح
عمال بدمر صحتى
انا نفسى اموت علشان ارتاح
كاره حياتى و دنيتى

مستكترين الفرحه بس عليا ليه
انا نفسى افهم فرحى مدايقكم فى ايه
حاطين ليه فى دماغكو انى بلعب بالجنيه
ما فى حد فى الدنيادى قدى طالع عنيه ..
جوايا بحر هموم وبضحك فى الوشوش
بكتم دموعى قصادكو لأجل ماتشمتوش
بسببكم اتدمرت عمرى ما حسيتوش
وياريتني منكم بتشكر ما بتشكروش

ماشيين فى صورتى تشوهو
مع انى اشرف اى حد
بواجهكو ليه بتتوهو
اما انتو ناس ناقصين بجد
معقول نسيتو اللى عملتو
كل اللى بيننا فى ثانيه اتهد
والله مهما فى ضهرى قولتو
انا برضو هفضل حيطه سد

انا ليا رب اسمو الكريم
دايما معايا فى شدتى
لو جوا منى انا مش سليم
دا مكنش يقبل دعوتى
بعديكو قولت الله المعين
والخير لقيتو فى سكتى
مبقتش فارقه ازعل على مين
انا مين بيمسح دمعتى

من بعد ما اللى اتقال عليا من القريب
مبقتش الوم مبقتش بعتب ع الغريب
انا م الليله دى ماليش عزيز وماليش حبيب
كل اللى فات هعتبرو مات وهقول نصيب ..
مبقاش فى وقت فى عمرى تانى عشان يضيع
دانا لو فضلت معاكو هتدمر هضيع
انا قربى منكو بجد كان خطأى الشنيع
خلصت و زى مابعتو فيا اكيد هبيع

بعد كل اللى عملتوه معايا
و مش عايزينى اتضرب بالچوب والكبايه
دانا بسببكو شربت اللى مايخطرش على بالكو

الساعه تيجى اتنين بقوم
اشرب سجاره واصب كاس
بفتح عنيا على السموم
اصبحت مضروب بالشيفاز
نفسيتى تعبت م الهموم
قلبى النضيف فقد الاحساس
طول النهار مقضيها نوم
علشان مشوفش وشوش الناس

الوحده تقتل بس اهون
م اللى شوفتو انا جمبكو
وانا قولتهالكم لما هقفل
مستحيل هرجعلكو
من اجلكم فى مرار يوماتى
الله يسامحكم كلكو
على قد ماقابلت فى حياتى
انا لأ ماشفتش زيكو

كان فى وخلص باب الرجوع بيننا اتقفل
فاكرننى ناسى اللى بسببكم يوم حصل
خليها حلوه احسن وعلى رأى المثل
ولا تقرصينى يانحله غورى انتى والعسل
قولتلكو مش دايمالكو وانتم مش هنا
داين تدان مش انا اللى قولت دا ربنا
واهى لفت الايام وحابت حقنا
حطو فى دماغكو اللى انتو فيه كان ذنبنا

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى