اغاني شيلات

كلمات اغنية هوي الطايف ماجد خضير

 

كلمات اغنية هوي الطايف ماجد خضير

كلمات شيلة هوي الطايف ماجد خضير

ياهوا الطايف على الكبد ماشوفك مصيف

مايبرد واهج النار نسناس الشفا


الهموم اسراب واجموع واجيوش وحتيف

والبطل يضحك. لونه. يعاني.  فالخفا


والزمن. مايرتخي. للثقيل وللخفيف

فيه هقوة طيب الراس تنشب فالصفا


والهبايب. تنحت الضلع. يالضلع المنيف

والمصايب. ماتعرف  القبال. امن القفا


ياعذاب المعرض اللي. من العالم معيف

صدته. شيمه وقيمه.  وسموها. جفا


والله اني ماتدريت. بالهرج الطريف

اعطي الانسان. قدرة. جفا ولا وفا


احسب احساب الحشيمه مع القلب العفيف

واضرب الدنيا. بقلبً. يواجه. ماهفا


والتجارب.  علمتني على القصد. الشريف

اشعل اسراجً. من اسنين. والع ماطفا


لي مع الطيب كرامه. وعنوان ومضيف

لو مجد لقمه من العيش ترحيبي ضفا


واسمي  اثقل من جبل ضلم وامن اصفر عفيف

لن صفالي حاضر الوقت. ولا ماصفا


يابهيه. ماصفا الوقت لحسين الشريف

والعرب هذا معود وهذا. مالفا


ودي ان الله يعجلك  يافصل الخريف

تطرح الذكرى. ورقها.  بعد طول الدفا


صرت انا والحزن صحبتت حليفً مع حليف

الحليف اللي. يعود خصم ويقول افا


والضروف. اللي. تفرق. وليفً مع وليف

بين ضحكً فالمواجه.  وهرجً فالقفا


ينزل الحسد المسمم على. قلب الضعيف

لين. يلقاله. مساكين. مثله.  واضعفا


جوك مشتالين رايه مثل عين الكفيف

حاسدينك فالمعيشه. وعرفك ماكفى


سالفتنا. حلم مافيه علم ولانكيف

بين جفً غط مبطي وجفنً ماغفا


النخل ماينب التمر في عرق الصريف

كل عرقً جف عودة.  تصرم واختفا

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى