ما هو حماية sec ctrl status الذي اطلقته سامسونج

سامسونج بدأت بتطبيق حماية جديدة اللى هى (sec ctrl status (0))

وهتلاقيها موجوده فالأجهزة التى تعمل بمعالجات ميدياتك حتى الان مفيش معلومات كتير عن الحماية دى لكن كل المعروف انها بتسبب موت الهاتف نهائيا وفقدانه البوت وده فحالتين
اولا فى حالة محاولة عمل انلوك شبكة للجهاز ولقيت الكلام ده فالدونلود يبقى متحاولش علشان متخسرش الجهاز
ثانيا وده الاهم
فى حالة محاولة ادخال الهاتف وضع البروم علشان نفك الحساب سواء كنت هتدخله تيست بوينت او عن طريق الشيميرا او اى اداة تانى زى mtk bypass
يعنى متحاولش تستخدم وضع الميدياتك او البروم او التيست بوينت لان مجرد المحاولة هتموت منك الجهاز
والفكرة هنا هنقول الناس اللى عندها جيتاج اه مش هنغلب ولكن سبب ما انا عملت البوست ده الاجهزة ذات الذواكر Emmc هيكون موضوعها سهل وهنرجعلها البوت جيتاج تانى وهنشغلها بدون مشكلة
ولكن خد بالك
الاجهزة ذات الذواكر من نوع ufs لحد الان مفيش معانا حل نقومها بوت تانى بعد فقدانها لليوت بسبب الحماية دى والكلام ده انا قابلته فى جهاز A326B مات بعد محاولة فنى فك frp وبعد محاولات كتير منه علشان يقومه عن طريق التيست بوينت فشل وأدى لضياع نقطة التيست وملوش isp وده خلانى ارفع الذاكرة واتفاجأت ان كل البارتيشنز. بلانك واليوزر داتا بايظ وفاقد مساحته وعلشان اشغل الجهاز محتاج دامب كامل ليه لانك حتى لو حبيت تفلشه سكاتر الذواكر ufs غير مدعومة تفليش سكاتر حتى الان وكمان لو حبيت تفلش 4 ملفات عن طريق الجيتاج هيقولك ان ملف pit يحتوى على معلومات للذواكر ال emmc
و ليست لل Ufs
لذلك وجب التنبيه والنصح لاخواتنا الفنيين علشان محدش يقع فالمشكلة دى
والحالة التالتة هى الدونجريد حتى ولو كنت هتفلش نفس الحماية ولكن تاريخ اقدم
لذلك قبل ما تتعامل مع الاجهزة السامسونج الميدياتك لازم تدخل دونلود وافهم وتلاحظ الاول
جايز يكون كلامى غلط ولكن حبيت محدش يحصله ضرر فاتكلمت على اد المعلومة اللى فهمتها او لاحظتها
‏