خدمات اجتماعية مجانا

ما هي خطوات التسجيل في الفاتورة الالكترونية

الفاتورة الالكترونية

 

ما هي خطوات التسجيل في الفاتورة الالكترونية
ما هي خطوات التسجيل في الفاتورة الالكترونية

 

تفاصيل التسجيل في الفاتورة الالكترونية

 

خطوات التسجيل في الفاتورة الالكترونية
الحالة الاولي لو انت مؤسسة فردية
1/ في حالة انك بتطلع اقل من 200 فاتورة في الشهر :
هتروح ضرائب القيمة المضافة لو مش مسجل قيمة مضافة هتروح الضرائب العامة عادي وتقدم طلب تسجيل في الفاتورة الألكترونية من خلال المأمورية وهيتبعت ليك دعوة علي الميل خلال 4 ايام عمل ومن خلال الدعوة هتقدر تسجل وتعمل صفحة علي بوابة الفاتورة الالكترونية
طب ايه الاوراق المطلوبة
اصل وصورة مختومة بختم المؤسسة الفردية ل :
1. طلب تسجيل في الفاتورة الالكترونية موقع من صاحب المؤسسة ومختوم وتملي البيانات الي هي رقم التسجيل الضريبي والايميل الي هييجي عليه الدعوة واسم المفوض ورقمه القومي ورقم تليفونة وبيانات صاحب المؤسسة.
2. السجل التجاري
3. البطاقة الضريبية
4. شهادة القيمة المضافة
5. بطاقة صاحب المؤسسة
6. تفويض عليه صحة توقيع بنكي في حالة عدم وجود صاحب المؤسسة لمن ينوب عنه( بعض المأموريات بتكتفي بتوكيل مباشر)
7. بطاقة المفوض ان وجد
بعدين هتروح شركة ايجي تراست معاك نفس الورق عشان تطلع توقيع الكتروني عشان تقدر تختم فواتيرك ومعاك نسختين من عقد ايجي تراست لاستخراج التوقيع الالكتروني ونسخة من طلب الاصدار ونسخة من التفويض في حالة وجود مفوض ويكون عليه صحة توقيع بنكي
بعدين هتقدم علي طلب تفعيل البورتال بس خلال 48 ساعة من التسجيل وعمل صفحة علي بوابة الفاتورة الالكترونية عشان يكون التسجيل سمع في الضرائب
الورق المطلوب :
1. طلب اصدار فواتير عن طريق البورتال (2) عليه صحة توقيع بنكي(بعد المأموريات تكتفي بتوكيل مباشر) موقع ومختوم بختم المؤسسة الفردية
2. السجل التجاري حديث
3. البطاقة الضريبة سارية
4. شهادة القيمة المضافة
5. بطاقة صاحب المؤسسة سارية
2 / في حالة انك بتطلع اكتر من 200 فاتورة في الشهر :
اولا هتروح ايجي تراست الي عند ارض المعارض و تطلع ختم الكتروني للمؤسسة الفردية
طب ايه الاوراق المطلوبة
اصل وصورة مختومة بختم المؤسسة الفردية ل :
1. نسختين من عقد ايجي تراست ل استخراج الختم الالكتروني ونسخة من طلب الاصدار ونسخة من التفويض في حالة وجود مفوض وعليه صحة توقيع بنكي
2. السجل التجاري حديث
3. البطاقة الضريبة سارية
4. شهادة القيمة المضافة
5. بطاقة صاحب المؤسسة سارية
6. بطاقة المفوض ان وجد

ثانياً
عن طريق الختم الالكتروني الي انت طلعته من ايجي تراست هتسجل ذاتي علي موقع الفاتورة الالكترونية
وده لينك تجريبي للتسجيل الذاتي تجرب عليه لحد ما تفهم الخطوات
https://profile.preprod.eta.gov.eg/signup
وده لينك التسجيل الفعلي علي الفاتورة الالكترونية
https://invoicing.eta.gov.eg/
بعد كدة هتنتظر 48 ساعة عشان التسجيل الذاتي يسمع في الضرائب وتروح تفعل البورتال في مأمورية القيمة المضافة ولو مش مسجل قيمة مضافة روح الضرائب العامة والبورتال هيكون متاح معاك لمدة 6 شهور فقط ولازم بعد ال6 شهر تكون اشتريت ERP سيتسم لإصدار الفواتير عشان انت اكتر من 200 فاتورة في الشهر.
الاوراق المطلوبة لتفعيل البورتال
1. طلب اصدار فواتير عن طريق البورتال (1) عليه صحة توقيع بنكي
2. السجل التجاري حديث
3. البطاقة الضريبة سارية
4. شهادة القيمة المضافة
5. بطاقة صاحب المؤسسة سارية
6. بطاقة المفوض ان وجد

ملحوظة:
طلب اصدار فواتير عن طريق البورتال (1) ده في حالة انك بتطلع اكتر من 200 فاتورة في الشهر والبورتال هيبقي شغال معاك 6 شهور وبعد كده لازم تجيب ERP سيتسم .
طلب اصدار فواتير عن طريق البورتال (2) ده في حالة انك بتطلع اقل من 200 فاتورة في الشهر والبورتال هيبقي شغال معاك علطول .
الحالة الثانية لو انت شركة ( مساهمة – مسؤولية محدودة – توصية بسيطة – تضامن- توصية بالأسهم- شركة الشخص الواحد)
هتروح تطلع ختم الكتروني للشركة ويكون معاك صورتين من عقد ايجي تراست وصورة من طلب الاصدار وصورة من التفويض في حالة وجود مفوض ويكون عليهم صحة توقيع بنكي وموقع من الشركاء الي ليهم حق الادارة والتوقيع طبقا لأخر سجل تجاري
الاوراق المطلوبة اصل وصورة مختومة بختم الشركة ل :
1. السجل التجاري
2. البطاقة الضريبة
3. شهادة القيمة المضافة
4. بطاقة من له او لهم حق الادارة والتوقيع
5. بطاقة المفوض ان وجد
عن طريق الختم الالكتروني الي انت طلعته من ايجي تراست هتسجل ذاتي علي موقع الفاتورة الالكترونية
وده لينك تجريبي للتسجيل الذاتي تجرب عليه لحد ما تفهم الخطوات
https://profile.preprod.eta.gov.eg/signup
وده ليك التسجيل الفعلي علي الفاتورة الالكترونية
https://invoicing.eta.gov.eg/
بعد كدة هتنتظر 48 ساعة عشان التسجيل يسمع في الضرائب وتروح تفعل البورتال في مأمورية القيمة المضافة ولو مش مسجل قيمة مضافة روح الضرائب العامة.
ملحوظة:
طلب اصدار فواتير عن طريق البورتال (1) ده في حالة انك بتطلع اكتر من 200 فاتورة في الشهر والبورتال هيبقي شغال معاك 6 شهور وبعد كده لازم تجيب ERP سيتسم .
طلب اصدار فواتير عن طريق البورتال (2) ده في حالة انك بتطلع اقل من 200 فاتورة في الشهر والبورتال هيبقي شغال معاك علطول .

بعد ما تسجل بقي سواء انت فردي او شركة هتشوف السلع او الخدمات الي انت شغال فيها ايه وتجيب اكواد مناسبة ليها من علي موقع
https://gpc-browser.gs1.org/
وترفعهم علي بوابة الفاتورة الالكترونية وفي خلال 24 ساعة يكون اتوافق عليهم.
ملحوظة : ضرائب الشركات المساهمة بالقاهرة بتفعل البورتال عادي حتي لو انت مسجل في القيمة مضافة

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى