احتفال محمد صلاح  مع مؤمن زكريا بكأس الاتحاد الإنجليزي 2022

 محمد صلاح  مع مؤمن زكريا بكأس الاتحاد الإنجليزي 2022

احتفل النجم محمد صلاح نجم  ليفرل بول , مع مؤمن زكاريا, بكأس الاتحاد الانجليزي 2022, في لفته انسانية من النجم محمد صلاح

وذلك في غرف الملابس مع باقي لاعبة نادي ليفرل بوك, مما يدل علي نبل واخلاق النجم محمد صلاح, وهذه صورة تناولتها جميع مواقع السوشيال ميديا بالترحاب والسرور

‏كانت لقطة عظيمة ومحترمة وبنت ناس لما “محمد صلاح” صمم إن “مؤمن زكريا” يشاركه النهاردة الاحتفال بعد ما ليفربول فاز بكأس إنجلترا!.. فكرة إنك تعزم صديق ليك بيمر بأزمة صحية عشان يحضر ماتش نهائي من الملعب في لندن، وبعد ما فرقتك تفوز وتاخد الكأس تطلب من لعيبة فرقتك إنهم يحتفلوا مع صديقك ‏في غرفة الملابس كإنه واحد منهم وكإنه ساهم في الفوز عشان يرفعوا من روحه المعنوية رغم إن ممكن معظهم مايكونوش عارفين اسم “مؤمن” أصلاً بس كانت لقطة مبهرة.

وبتقول إن “صلاح” إبن حلال وعنده أصل.. الفرحة اللي كانت في عيون “مؤمن” واللي ماشوفنهاش بقالنا فترة بتساوي كتير..

‏والله عمرها ما بتيجي بالصدفة ولا بضربة حظ يا جدعان!.. يوم عن التاني بتتأكد إن كرم ربنا والنجاح مش بيحصلوا صدفة ولا لحد ما يستحقش!.. الموضوع عبارة عن تراكمات بتتكون بالتدريج.. جبر وتطييب خواطر على مساعدة ناس في الخفاء على اجتهاد وتعب ومرمطة سنين.

‏على تركيز وسد الودان عن النقد اللي أساسه الهدم مش البناء؛ حاجة على حاجة على حاجة هما اللي بيكوّنوا الصورة النهائية لأى حد ناجح ومتحاوط ببركة ربنا ورضاه.. الدنيا مش بتدي إلا المُخلص لحلمه والأصيل.. ربنا يسعدك ويجبر بخاطرك يا “صلاح” ويشفيك يا “مؤمن”.